Ngiù-tsîn Thai-ho̍k (Yîn-vùn: University of Oxford; Lâ-tên-vùn: Universitas Oxoniensis.) vi-tshai Yîn-koet Ngiù-tsîn-sṳ, he Yîn-ngî sṳ-kie chûng chui kú-ló ke Thai-ho̍k. Sûi-yèn Ngiù-tsîn Thai-ho̍k ke khok-sṳ̍t tshóng-li̍p ngit-khì mò tshîn-tshú, than-he Li̍t-sṳ́ hí-khó thai-yok tûi-suk to Sṳ̍p-ngi sṳ-ki ma̍t-khì. Sî-ngièn 1209-ngièn, tshai Ngiù-tsîn ho̍k-sâng lâu tsṳ́n-mìn ke tshûng-thu̍t sṳ-khien ko-heu, tô-tô ke Ngiù-tsîn ho̍k-tsá tshiên-sái to tûng-pet fông ke Kiam-khièu tsṳ́n, sṳ̀n-li̍p Kiam-khièu Thai-ho̍k. Put-kiú tsṳ̂-heu, lióng-kiên Thai-ho̍k pí-tshṳ́ tsṳ̂-kiên tsán-khôi siông-tông yû-kiú ke kin-tsên sui-ngie̍t. Ngiù-tsîn Thai-ho̍k he Yîn-koet ngiên-kiu hìn thai-ho̍k Lò-su Si̍p-thòn, Êu-chû táng-tsiâm thai-ho̍k Khô-yîn-pu-là Si̍p-thòn, Êu-chû ngiên-kiu hìn thai-ho̍k LERU yî-khi̍p Europaeum chûng ke fu̍t-sîm sṳ̀n-yèn.